 |
| click to animate gif |
Medyo late na kaming nakarating na magkakaibigan. Masaya na ang mga tao sa loob, kaya't naisipan naming sumali kaagad at humabol sa kasiyahan. Mabagal sa umpisa. Unti-unti ang iyong pag-usad paakyat. Hindi mo mapapansin. Hangga't nasa itaas ka na pala.
At bigla ka na lang bubulusok. Lilipad. Habang lahat ng bagay, in slow motion. Bigla kang dadagsain ng sari-saring emosyon. Saya. Lungkot. Kilig. Takot. At pagdating sa puntong akala mo'y tapos na ito, muli na namang magsisimula ang lahat. Ipinikit ko ang aking mata at itinaas ang mga kamay.
Nang bumaba'y tagaktak na pala ang aking pawis. Basa mula ulong hanggang paa. Humihingal. Tumingala ako't pinagmasdan ang mga sumasayaw na ilaw. "Fireworks!" ang sabi ko sa barkada. Lahat kami'y napatulala nang nakangiti. Bakas sa mukha ang kasiyahan na dulot ng kapirasong E at K.
gif file from here
